Bakıda ananın övladını taksidə qoyaraq qaçması ilə bağlı DİN hərəkətə keçdi - YENİLƏNİB - FOTO

Daxili İşlər Nazirliyi (DİN) Bakıda ananın övladını taksidə qoyaraq qaçması ilə bağlı yayılan xəbərlərə münasibət bildirib.

DİN-in Mətbuat Xidmətindən Avtosfer.az-a bildirilib ki, sözügedən məsələ ilə bağlı araşdırma aparılır:

“Məsələdən məlumatlıyıq, araşdırmalara başlanılıb”.

04:12

Bakıda ana övladını taksidə qoyaraq qaçıb.

Bu barədə “Təmiz Dünya” Qadınlara Yardım İctimai Birliyinin sədri Mehriban Zeynalova sosial şəbəkə hesabında paylaşım edib.

“Gecəmiz təəssüf ki, rahat keçmədi. Körpənin anası övladını taksidə qoyaraq gedib. O, taksi sürücüsünə su alıb qayıdacağını bildirib. Hazırda körpə sığınacaqdadır”, - deyə M.Zeynalova qeyd edib.