Bakıda yeraltı keçiddə yaşayan qadın sığınacağa getməkdən İMTİNA ETDİ - VİDEO

"Bakıda "28 May" metro stansiyasının qarşısındakı yeraltı keçiddə yaşayan kimsəsiz qadın sığınacağa getməkdən imtina edib".

Bu açıqlamanı Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İctimaiyyətlə əlaqələr şöbəsinin müdiri Murad Həşimov verib.

O qeyd edib ki, sözügedən əraziyə qurumun əməkdaşları tərəfindən baxış keçirilib.

"Həmin şəxs deyilən ərazidə olmayıb. Yaxınlıqda olan vətəndaşların verdiyi məlumat əsasında onunla əlaqə saxlanılıb. Vətəndaş bildirib ki, hansısa müəssisəyə aparılmasına qəti etiraz edir.

Razılığı olarsa, sosial qiymətləndirilmə aparılaraq, müvafiq müəssisəyə qəbulu məsələsinə baxılacaq", - deyə M.Həşimov vurğulayıb.

Xatırladaq ki, Bakıda kimsəsiz qadının "28 May" metro stansiyasının qarşısında yerləşən yeraltı keçiddə yaşaması ilə bağlı ötən gün məlumat vermişdik.

***

Bakıda kimsəsiz qadın küçədə yaşayır.

Avtosfer.az xəbər verir ki, bununla bağlı oxu.az-a məlumat daxil olub.

Qeyd olunub ki, kimsəsiz qadın İstiqlaliyyət küçəsində, Azərbaycan Dövlət İqtisad Universitetinin (UNEC) qarşısındakı yeraltı keçiddə yaşayır.

Məsələ ilə bağlı Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinə sorğu ünvanladıq.

Qurumun İctimaiyyətlə əlaqələr şöbəsinin müdiri vəzifəsinə Murad Həşimov açıqlamasında bildirib ki, qurumun əməkdaşları əraziyə baxış keçirəcəklər.

"Sözügedən şəxsin sosial xidmətlərə ehtiyacının qiymətləndirilməsini aparacaqlar", - deyə M.Həşimov bildirib.