Benzinin idxal dəyəri artıb - SİYAHI

Xəbərlər 22 Dekabr 2021 16:07 Oxunub 1036

WhatsApp kanalımıza abunə ola bilərsiniz

2021-ci ilin yanvar-oktyabr aylarında Azərbaycan ümumi 137 072,61 ton həcmində benzin (101 079 130 dollar dəyərində) idxal edib.

Avtosfer.az-ın xəbərinə görə, ümumi idxal həcmi ötən ilin müvafiq dövrü ilə müqayisədə 54,7 faiz artıb.

Belə ki, bu dövr ərzində 129 392,18 ton həcmində, 96 297 020 dollar dəyərində “Aİ-95” premium markalı benzin idxal edilib. Bir ton “Aİ-95” markalı benzinin gömrük dəyəri 744,22 dollar təşkil edib. Bu isə ötən ilin müvafiq dövründə idxal edilən “Aİ-95” markalı benzinin bir ton üçün gömrük dəyərindən 25,9 faiz çoxdur.

Bu dövrdə ölkəyə 2 684,79 ton həcmində və 2 395 070 dollar dəyərində “Aİ-98” markalı benzin idxal edilib. Bir ton üçün məhsulun gömrük dəyəri 892,08 dollar təşkil edib ki, bu da ötən ilin müvafiq dövründə idxal edilən bir ton “Aİ-98” markalı benzinin gömrük dəyərindən 12,7 faiz çoxdur.

Bu rəqəmlər onu göstərir ki, Azərbaycanın idxal etdiyi “Aİ-95” premium ilə “Aİ-98” super markalı benzinin xarici dövlətdən alış dəyəri oktyabr ayı ərzində də artıb.

Eləcə də, bu dövrdə 4 995,64 ton həcmində 2 387 040 dollar dəyərində oktanı 95-dən az olan benzin idxalı baş tutub. Bu məhsulun bir ton üçün gömrük dəyəri 477,8 dollar təşkil edib.

Əlavə edək ki, Azərbaycan 2021-ci ilin müvafiq dövründə benzin tədarükünü aşağıda qeyd edilən ölkələrdən həyata keçirib:

Oktan dəyəri 95-dən az olan benzin

Gürcüstan - 4 995,64 ton (2 387 040 dollar dəyərində)

“Aİ-95” markalı benzin

Rusiya - 49 916,27 ton (34 485 690 dollar dəyərində)

Türkmənistan - 6925,54 ton (5 233 770 dollar dəyərində)

Gürcüstan - 559,32 ton (399 150 dollar dəyərində)

İran - 4 471,04 ton (2 967 470 dollar dəyərində)

Rumıniya - 49 604,67 ton (38 244 950 dollar dəyərində)

Kipr - 4995,48 ton (4 191 460 dollar dəyərində)

Türkiyə - 7978,54 (6 653 170 dollar dəyərində)

Yunanıstan - 4931,32 ton (4 121 350 dollar dəyərində)