Bu yola kamera quraşdırılmasa ölüm sayı artacaq - VİDEO
Oxucu məktubları 30 İyun 2020 10:30 Oxunub 2350
Bu yola kamera quraşdırılmasa  ölüm sayı artacaq - VİDEO

Bakının Qala-Pirallahı yolunda sürücülər kütləvi şəkildə qaydaları pozurlar. Avtosfer.az xəbər verir ki, adıçəkilən yolun 2 kilometrlik məsafəsində sürücülər geriyə dönmə yerindən istifadə etmədən əks istiqamətə çıxaraq axına qarşı hərəkət edirlər.
Qeyd edək ki, dəfələrlə həmin yolda ölümlə nəticələnən yol nəqliyyat hadisələri baş verib.
Buna baxmayaraq sürücülər yenə də əks istiqamətdə hərəkət etməyə davam edirlər.

99-GX-125 qeydiyyat nişanlı "Mercedes" markalı avtomobilin sürücüsü həmin yolda əks istiqamətə çıxıb axına qarşı hərəkət edən zaman kameraya düşüb. Təqdim etdiyimiz videogörüntü iyunun 29-da qeydə alınıb.

Həmin yoldan istifadə edən sürücülər dəfələrlə Avtosfer.az-a  şikayət edərək sözügedən əraziyə nəzarət kamerasının quraşdırılması məsələsinin gündəmə gətirilməsini xahiş ediblər.
Ümid edirik ki, sürücülərin məsuliyyətə cəlb edilməsi üçün aidiyyəti qurumlar tez bir zamanda oraya kamera quraşdıracaq.

 

Fərid

ŞƏRH YAZ
Ad

E-mail

Şərh