Əfqanıstanda sərnişin təyyarəsi qəzaya uğradı - YENİLƏNİB

Əfqanıstanda qəzaya düşən Falcon təyyarəsi Rusiya Federasiyasının mülki təyyarələrinin dövlət reyestrində qeydə alınıb.

Bu barədə Rusiya Federal Hava Nəqliyyatı Agentliyi məlumat yayıb.

Ehtimal edilir ki, təyyarədə 6 nəfər olub: 4 ekipaj üzvü və 2 sərnişin.

Rosaviasiya xəbər verir ki, təyyarə Qaya (Hindistan) - Daşkənd - Jukovski marşrutu üzrə çarter təcili yardım reysi həyata keçirirmiş.

***

Əfqanıstanın şimalındakı Bədəxşan vilayətində sərnişin təyyarəsi qəzaya uğrayıb.

Bu barədə bazar günü yerli Tolonews telekanalı əyalətin İnformasiya və Mədəniyyət Departamentinin rəsmisi Zabihullah Amiriyə istinadən məlumat yayıb.

Hadisənin təfərrüatları barədə məlumat verilmir. (apa)