Erməniəsilli sakinlər Xankəndidən 12 avtobus və 41 şəxsi avtomobillə Ermənistana yola salınıblar - VİDEO

Qarabağ bölgəsinin erməniəsilli sakinləri Azərbaycanı tərk etməkdə davam edirlər.

Belə ki, Rusiya sülhməramlı kontingentinin müşayiəti ilə Xankəndi hava limanından 12 avtobusun və 41 şəxsi avtomobilin Ermənistana yola salınması təmin edilib.

Bu barədə Rusiya sülhməramlı kontingentinin “Telegram” kanalında məlumat yayılıb.

Qeyd edək ki, Ermənistana yola salınan sakinlər özləri könüllü olaraq həm avtobuslarla, həm də şəxsi avtomobilləri ilə Qarabağı tərk edib Ermənistana gedirlər.