"Evlərimizin altından kanalizasiya suları axır, uşaqlar xəstələnir” - VİDEO

Paytaxtın Yeni Suraxanı qəsəbəsi,Abdulla Şəfiyev küçəsinin sakinləri evlərinin çökməsindən narahatdır.Belə ki, bu küçədə evlərin altından keçən kanalizasiya xətləri çürüyüb, tullantı suları zirzəmilərə dolur.

Avtosfer.az xəbər verir ki, bu barədə sakinlər danışıb.

“Kanalizasiya problemimiz var. 30-40-cı illərdə çəkilən turbalarıdır. Artıq turba yoxdur, evin altı ilə su gedir. Aşağıdakı məhlədə 2 il əvvəl turbaları dəyişdilər, turba çıxmadı”, - deyə, sakinlərdən biri bildirib.

Digər sakinin sözlərinə görə isə, oğlunun evini yeni təmir etdirib və bütün sular hamısı evin altından axır: “O gün gəlib çəkiliş ediblər, deyirlər ki, evin altı 3 metr boşalıb. Kanalizasiya evin altına gedir. Uşaqlar xəstəlik tutur”.

Məsələ ilə bağlı İri Şəhərlərin Birləşmiş Su Təchizatı Xidmətindən qeyd edilib ki, sözügedən ünvanda xəttin dəyişdirilməsi ilə bağlı müvafiq işlərə başlanılıb və yaxın günlərdə təmir işlərinə start veriləcək.

Daha ətraflı videomaterialda: