“GÜLSAM” İctimai Birliyi layihə çərçivəsində növbəti tədbiri keçirdi - FOTOSESSİYA

“GÜLSAM” ƏRİB Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Əlilliyi olan şəxslərin reabilitasiyasının dəstəklənməsi”, “Məhdudiyyətimizə rəğmən istedadımız var” adlı layihənin ikinci tədbiri baş tutub.

Avtosfer.az xəbər verir ki, “GÜLSAM” ƏRİB Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Əlilliyi olan şəxslərin reabilitasiyasının dəstəklənməsi” “Məhdudiyyətimizə rəğmən istedadımız var” adlı layihəni həyata keçirməkdə davam edir. Layihənin ikinci tədbiri Bakı şəhərinin gözəl məkanlarından birində, 26.07.2025-ci il tarixində  baş tutub. Tədbirdə 9 nəfər əlil iştirakçı öz bacarıqlarını nümayiş etdirib. Tədbir iştirakçıları arasında musiqiçilər və şairlər yer alıb. Gözəl rəqs edən iştirakçılar da müsabiqədə iştirak etdilər.”GÜLSAM” İctimai Birliyinin rəhbəri Gülnarə Səlimova tədbirə qatılanlara təşəkkür edərək, belə müsabiqələrin cəmiyyətin müxtəlif təbəqələri arasında bərabər imkanlar yaratmaq və əlillərin sosial həyatda iştirakını dəstəkləmək baxımından önəmini vurğuladı.İkinci mərhələdə iştirakçılardan üç nəfər finala vəsiqə qazandı.

Müsabiqənin məqsədi:

Əlillərin cəmiyyətdəki yerini möhkəmləndirmək, onların bacarıqlarını ortaya qoymalarına şərait yaratmaq və istedadlarını daha geniş auditoriyaya tanıtmaqdır. “GÜLSAM” İctimai Birliyi hər bir iştirakçının öz istedadını inkişaf etdirməsi üçün lazımi dəstəyi göstərməkdə davam edəcək.

Təşkilat olaraq bizim ən böyük uğurlarımız tədbirlərdə iştirak edən iştirakçıların sevincləri, üzlərindəki təbəssüm və sonsuz təşəkkürləridir.

Səfər