İlon Mask bu işindən ayrılır

Milyarder, iş adamı, “SpaceX” və “Tesla”nın baş direktoru İlon Mask hər gün bir xəbərlə gündəm yaradır.

Ötən aylarda 44 milyard dollara “Twitter” sosial platformasını satın alan İlon Mask “Tesla”nın CEO-luğunu təhvil verməyə hazırlaşır.

Avtosfer.az xəbər verir ki, Çin xəbər saytları bununla bağlı məlumat yayıb.

Məlumatda İlon Maskın şirkətdəki CEO-luğunu “Tesla”nın Çindəki rəhbəri Tom Zu-ya təhvil verəcəyi iddia edilib. Həmçinin Tom Zu-nun 2014-cü ildə “Tesla”da “Supercharger” proqramının direktoru kimi işə başladığı və qısa müddətdə şirkətin Çində sədrliyə yüksəldiyi qeyd edilib.

Tez-tez müsahibələrində müdir olmaqdan nifrət etdiyini və vaxtının daha çoxunu mühəndisliyə sərf etmək istədiyini dilə gətirən Mask yayılan xəbərlərlə bağlı hələlik heç bir açıqlama verməyib.