İstanbulda əcnəbilərə yaşayış icazəsinin verilməməsi ilə bağlı RƏSMİ AÇIQLAMA

İstanbulun bütün 39 rayonunda əcnəbi vətəndaşlara yaşamaq icazəsi verilməsinin qadağan olunması ilə bağlı yayılan məlumatlar həqiqətə uyğun deyil.

Bu barədə Türkiyənin Miqrasiya İdarəsi məlumat yayıb.

İdarənin şərhində deyilir ki, hazırda İstanbulun yalnız 10 rayonunda ilkin yaşayış icazəsi üçün müraciət etmək mümkün deyil.

Bildirilir ki, ümumilikdə, Türkiyədə bir iyul 2022-ci il tarixinə 63 rayon və 1169 məhəllə ilkin yaşayış icazəsi almaq üçün bağlanıb. İstanbulda 54 məhəllə müvafiq müraciətlər üçün bağlanıb, çünki burada əcnəbi vətəndaşların sayı əhalinin 20 faizini keçib.

Xatırladaq ki, bir müddət əvvəl Türkiyə mətbuatı məlumat yayıb ki, hələ mart ayında zəruri hallar istisna olmaqla miqrantların sayının artması səbəbindən ölkədə əcnəbilərə yaşamaq icazəsi verilməsi qadağan edilib.

Qeyd edək ki, hazırda Türkiyədə əlində kirayə müqaviləsi olmaqla dərhal bir il müddətinə uzadılma imkanı ilə yaşayış icazəsi əldə etmək mümkündür. (oxu.az)