Məhkəmə İlkin Həsəninin şikayətçi olduğu dietoloqla bağlı QƏRAR VERDİ

Aparıcı İlkin Həsəninin şikayətçi olduğu dietoloq Ləman Süleymanova barəsində məhkəmə qərar verib.

İ.Həsəni Bakı Şəhər Baş Polis İdarəsində dinlənildikdən sonra L.Süleymanova barəsində İnzibati Xətalar Məcəlləsinin 510-cu maddəsi (xırda xuliqanlıq) ilə protokol tərtib olunub. Protokol baxılması üçün Xətai Rayon Məhkəməsinə göndərilib. Məhkəmə Ləman Süleymanovanın əməlində xuliqanlıq olmadığı qənaətinə gəlib və iş üzrə icraata xitam verilib.

Qeyd edək ki, bir neçə gün əvvəl aparıcı İlkin Həsənli sosial şəbəkədə video-müraciət ünvanlayaraq ailə üzvlərinin təhqir edildiyini və həmin qadının tapılmasını istəmişdi. Həmçinin dietoloq Ləman Süleymanova da instaqram hesabı vasitəsilə Daxili İşlər Nazirliyinə video-müraciət etmişdi. Tərəflər arasında mübahisəyə səbəb, İlkin Həsəninin həyat yoldaşının fotossesiya etdiyi zaman dietoloq Ləman Süleymanovaya yol verməməsi olmuşdu.