Muğanlı-İsmayıllı-Qəbələ avtomobil yolunda tunel tikiləcək

Muğanlı-İsmayıllı-Qəbələ avtomobil yolunun tikinti layihəsində meşə örtüyünə daha az zərər verilməsi üçün tunel tikilməsi nəzərdə tutulub.

Avtosfer.az xəbər verir ki, bunu Muğanlı-İsmayıllı-Qəbələ avtomobil yolunun yenidən qurulması ilə bağlı növbəti ictimai dinləmədə layihə icraçısı - “Gidrotransproyekt” Elmi-tədqiqat mərkəzinin direktoru, “Evroskom” ASC-nin sədr müavini Natiq Əliyev deyib

Onun sözlərinə görə, Muğanlı-İsmayıllı-Qəbələ avtomobil yolunun tikintisinin birinci layihəsinin birinci variantında tunel tikilməsi nəzərdə tutulmamışdı:

"Lakin sonradan meşə örtüyünə zərər verilməməsi, yaşıllıqlara ziyan vurulmaması üçün tunel tikilməsi qərara alındı və bununla da yaşıllıq zonasının saxlanılması və qorunması tələbi yerinə yetirildi".