Ramil Həsənin deputatlığına xitam verildi - YENİLƏNİB

Mərkəzi Seçki Komissiyasının (MSK) iclası keçirilir.

Avtosfer.az xəbər verir ki, komissiyanın iclasında Ramil Həsənin deputatlıq səlahiyyətlərinə xitam verilməsi məsələsi müzakirə olunur.

***

MSK-nın iclasında Ramil Həsənin deputat səlahiyyətinə xitam verilib.
 
Məsələ səsverməyə qoyularaq qəbul edilib. 

Qeyd edək ki, Ramil Həsən bu il iyunun 12-də Türk Dövlətləri Parlament Assambleyasının (TÜRKPA) Qazaxıstanın paytaxtı Astanada keçirilən 14-cü plenar sessiyasında TÜRKPA Baş katibi seçilib.

Bu gün artıq TÜRKPA-nın Baş katibinin səlahiyyətləri keçmiş Baş katib Mehmet Süreyya Er tərəfindən yeni seçilmiş Ramil Həsənə təhvil verilib.