Rusiya İranın pilotsuz təyyarələrini haradan alır?

Tacikistanda İranın “Şahed” kamikadze dronlarını yığan fabrik var. Rusiya hazırda Ukraynaya hücum etmək üçün istifadə etdiyi pilotsuz təyyarələri məhz oradan alır. 

Avtosfer.az xəbər verir ki, bunu tacik siyasətçi Muhyiddin Kabiri deyib ki "Qlavkom"a müsahibəsində bildirib.

Muhyiddin Kabiri qeyd edib ki, zavod təxminən bir il əvvəl açılıb.

"Bir il, hətta ondan da az əvvəl İranın Bakeri adlı yüksək rütbəli hərbi rəsmisi Tacikistana səfər edib. Onlar müdafiə naziri Şərəli Mirzo ilə birlikdə lenti kəsib və bununla da pilotsuz təyyarələrin yığılması üzrə ixtisaslaşan fabrikin açılışını qeyd ediblər. Yəni bu, artıq açıq mənbələrdə mövcud olan faktdır. Amma bu zavodun hazırda işlək olub-olmaması barədə heç nə bilmirəm. Halbuki zavod artıq tikilibsə, lent kəsilib, ona görə də işləməlidir. Əks halda tərəflərdən biri zavodun işə salınmaması barədə rəsmi məlumat verməlidir. Heç kimin şübhəsi olmasın”, - deyə o bildirib.

Bundan əlavə, ABŞ Maliyyə Nazirliyi  İrandan Rusiyaya pilotsuz təyyarələrin istehsalı və tədarükü ilə məşğul olan  bir sıra şirkətlərə qarşı sanksiyalar tətbiq edib.

Ukrayna kəşfiyyatı daha əvvəl bildirmişdi ki, Rusiya Ukraynaya qarşı müharibə aparmaq üçün təkcə İrandan deyil, həm də Çin və Şimali Koreyadan dəstək alıb. Bundan başqa, Qazaxıstan və Özbəkistan işğalçı ölkəyə sanksiyalardan yan keçməyə kömək edir.

Unikal