Şərurlu İsfəndiyar: "Kimin toyuğuna daş atmışdım?"

"Şərur MTK"nın sahibi İsfəndiyar Axundovun (Şərurlu İsfəndiyar) barəsində verilmiş xüsusi ittiham qaydasında şikayət üzrə sonuncu məhkəmə prosesində onun əməlində cinayət tərkibi olmadığı qənaətinə gəlinərək bəraət verilib.

Bəraətdən sonra Oxu.Az-a danışan Şərurlu İsfəndiyar bildirib ki, ona qarşı ədalətsizlik edilib.

Şərurlu İsfəndiyarın sözlərinə görə, ona qarşı haqsızlıq edilirdi:

"Mənə qarşı edilən qurama, haqsızlıq idi. Vaxtımı alırdılar, əsəbiləşdirirdilər. Heç yerə gedə bilmirdim. İki-üç gündən bir məhkəmə prosesi keçirilirdi. Başqa nə söz deyim ki? Bilirdilər ki, haqlıyam. Amma mənə qarşı edilən bu haqsızlığı anlamıram. Nə etmişəm, kimin toyuğuna daş atmışam ki, mənə qarşı ədalətsizlik edirdilər?!"