Sərxoş sürücü elə bildi ki, hamı onun yoluna çıxır – POLİS ÇAĞIRDI

Qəribə hadisə ABŞ-də baş verib. 

Avtosfer.az-ın xəbərinə görə, Nebraska ştatında gecə yarısı bir sürücü polisin qaynar xəttinə zəng edərək digər maşınların ona təhlükə yaratdığını, avtomobillərin əks istiqamətə getdiyini bildirib. 
 
Çağırış yerinə gedən polislər bir avtomobilin əks istiqamətdə hərəkət edərək yoldan çıxdığını görüblər. Məlum olub ki, sürücü o qədər spirtli içki qəbul edib ki, özü qayda pozduğu halda başqalarının onun yoluna çıxdığını düşünüb. 
Polis idarəsində yoxlama zamanı onun qanında normadan 3 dəfə artıq spirt aşkar edilib. Buna görə də iş məhkəməyə göndərilib.

Vüqar