Şüşələri sındırılan avtobusun sürücüsü danışdı - VİDEO

Bakıda bir şəxs sərnişin avtobusuna hücum edib. Hadisə Binəqədi rayonu, 9-cu mikrorayon ərazisində baş verib. Orta yaşlı şəxs 85 saylı marşrut xətti üzrə hərəkət edən avtobusa yaxınlaşaraq sürücü ilə mübahisə edib. Daha sonra nəqliyyat vasitəsinin şüşəsini yumuruqla sındırıb.

Avtobusun sürücüsü Elşad Əzizov baş vermiş hadisənin təəffərüatlarını ''Xəzər Xəbər''ə danışıb.

Elşad Əzizovun deyib ki, sərnişinlərin köməkliyi ilə həmin şəxs avtobusun olduğu ərazidən uzaqlaşdırıldıqdan sonra polisə və daşıyıcı şirkətə məlumat verilib. Sürücü iddia edir ki, avtobusun pənəcərsini sındıran şəxs sərxoş olub.

Hadisəni törətməkdə şübhəli bilinən Şıxızadə Azad Rasim oğlu artıq polis əməkdaşları tərəfindən saxlanıb. Faktla bağlı araşdırma aparılır.