Xalq artisti Ənvər Həsənovla vida mərasimi keçirilir - YENİLƏNİB

Martın 16-da vəfat edən Xalq artisti Ənvər Həsənovla vida mərasimi keçirilir.

Avtosfer.az xəbər verir ki, mərhumun Şüvəlan qəsəbəsində yerləşən evində baş tutan vida mərasimində xalq artistinin yaxınları və sənət dostları iştirak edirlər.

Mərhum Xalq artisti vəsiyyətinə əsasən, Buzovna qəbiristanlığında həyat yoldaşının yanında dəfn olunacaq.

***

Ötən gün axşam saatlarında vəfat edən Xalq artisti Ənvər Həsənov bu gün torpağa tapşırılacaq.

Avtosfer.az xəbər verir ki, bu barədə onun yaxınları məlumat verib.

Qeyd olunub ki, vida mərasimi bu gün saat 12:00-da aktyorun Şüvəlan qəsəbəsindəki evində keçiriləcək.

Xalq artisti saat 14:00-da Buzovna qəbiristanlığında, həyat yoldaşının yanında torpağa tapşırılacaq.