Xocalının Xanyurdu kəndinə növbəti köç karvanı yola salındı - FOTO - YENİLƏNİB

Xocalı rayonunun Xanyurdu kəndinə köç edən keçmiş məcburi köçkün ailələrinə mənzillərinin açarları təqdim edilib.

Avtosfer.az xəbər verir ki, Prezidentin Xankəndi şəhəri, Ağdərə və Xocalı rayonları üzrə xüsusi nümayəndəsinin müavini Səbuhi Qəhrəmanov, doğma torpaqlarına qayıdan ailələrə yeni evlərinin açarlarını təqdim edib.

Qeyd edək ki, bu gün, həmçinin Ağdərənin Vəngli kəndinə də köç olub, 81 nəfərdən ibarət 22 ailə köçürülüb.

***

Xocalı rayonuna yola salınan növbəti köç karvanı Xanyurdu kəndinə çatıb.

Avtosfer.az "Report"a istinadən xəbər verir ki, Xanyurdu kəndinə köçürülən ailələr ölkənin müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

***12:36

Xocalı rayonunun Xanyurdu kəndinə növbəti köç karvanı yola salınıb.

Avtosfer.az "Report"a istinadla xəbər verir ki, rayonun Xanyurdu kəndinə köç edənlər ölkənin müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Bu mərhələdə Xanyurdu kəndinə 46 nəfərdən ibarət 15 ailə köçürülür.

Beləliklə, bu köçlə Xocalı rayonunun Xanyurdu kəndinə köçürülən ailələrin sayı 69-a (237 nəfər) çatacaq.