Yeni Klinikada İTS daxilində təbii doğuş və qeysəriyə əməliyyatları icra olunur - VİDEO

TƏBİB tabeliyində fəaliyyət göstərən Yeni Klinikada icbari tibbi sığortanın Xidmətlər Zərfi daxilində Mama-ginekologiya şöbəsində qadın xəstəliklərinin müayinə və müalicəsi müasir standartlarla hayata keçirilir.

Tibb müəssisəsinin Mama-ginekologiya şöbəsində təcili və təxirəsalınmaz əməliyyatlarla yanaşı planlı əməliyyatlar da həyata keçirilir.

Belə ki, şöbədə myomektomiya, histerektomiya, ooferektomiya, salfinqooferektomiya, kistanın çıxarılması, prolapsus, laparaskopik histerektomiya, boru bağlanması, boru hamiləliyi cərrahiyyəsi, vaginal histerektomiya, vaginoplastika, sistosele və rektosele, uşaqlığın çıxarılması, septum rezeksiyası, polipektomiya  və s. əməliyyatları icra olunur.

Bundan başqa 3 doğum otağı, 2 əməliyyatxana və 55 çarpayıdan ibarət olan şöbədə artıq təbii doğuş və qeysəriyə əməliyyatları icra olunur.

Qeyd edək ki, hər bir Azərbaycan Respublikasının vətəndaşı Yeni Klinikaya müraciət edərək Xidmətlər Zərfi daxilində Mama-Ginekologiya şöbəsində göstərilən tibbi xidmətlərdən tam təmənnasız yararlana bilərlər.