Yollardakı yağış barmaqlıqlarını oğurlayan şəxs həbs edildi - DİN-dən AÇIQLAMA

Bu gün Avtosfer.az saytında Bakının bir neçə küçə və prospektində yağış barmaqlıqlarının oğurlanması barədə məlumat dərc olunub.. Məlumatla əlaqədar Daxili İşlər Nazirliyi də Avtosfer.az-a açıqlama verib. Nazirliyin mətbuat xidmətinin şöbə rəisi, polis mayoru Elşad Hacıyev Avtosfer.az-a bildirib ki, paytaxt yollarında yağış barmaqlıqlarının oğurlanması ilə bağlı polis orqanlarına daxil olan bütün müraciətlərlə bağlı zəruri tədbirlər görülüb.

Daxil olan müraciətlər üzrə 61 ədəd yağış və qurunt su ötürücüsünün dəmir barmaqlıqlarını oğurlamaqda şübhəli bilinən 1980-ci il təvəllüdlü Şahmalı Əzimov Cinayət Məcəlləsinin oğurluq maddəsi istintaq olunub.

Məhkəmə qərarı ilə Ş.Əzimova 2 il müddətinə azadlıqdan məhrum etmə cəzası təyin edilib.