*9933 şikayət: baş tutmayan gedişə görə niyə komissiya alınır? – RƏSMİ AÇIQLAMA

Öyrənək 19 Yanvar 2023 14:43 Oxunub 1182
*9933 şikayət:  baş tutmayan gedişə görə niyə komissiya alınır? – RƏSMİ AÇIQLAMA
WhatsApp kanalımıza abunə ola bilərsiniz

Avtosfer.az-a müraciət edən vətəndaşlardan biri *9933 taksi şirkətindən şikayətçi olub. Vətəndaş deyir ki, sürücü kimi şirkətlə çalşır. Lakin ciddi bir problemlə qarşılaşır. Belə ki, sifarişdən sonra hər hansı səbəbdən gediş alınmayanda şifariş məbləğindən sürücü üçün nəzərdə tutulmuş komissiya məbəği çıxılır. Vətəndaş deyir ki, digər şirkətlərdə qəza, nasazlıq, yaxud hər hansı bir obyektiv səbəbdən gediş ləğv olunursa sürücüdən nəzərdə tutulmuş komissiya məbləği tutulmur. Lakin *9933 taksi şirkəti şifariş qəbul olunan kimi ilk olaraq şirkət komisiyasını sürücünün balansına yazır.

*9933 taksi şirkətinin səlahiyyətli nümayəndəsi Ruslan Məhərrəmov Avtosfer.az-a bildirib ki, bu şirkət qaydaları çərçivəsindədir. “Biz sürücüləri işə qəbul edən zaman onlara bütün zəruri izah və məlumatları veririk. Tətbiq olunan bu qayda sürücü məsuliyyətini artırmaq üçündür. Çünki dəfələrlə sürücü məbləğin az olması, yaxud digər şəxsi səbəbinə görə gedişdən imtina edib və müştərini yağışda, soyuqda, yaxud isti havada gözlədib. Bu isə şirkət olaraq bizim imicimizə mənfi təsir edir.”

Ruslan Məhərrəmov onu da əlavə edib ki, sürücünün qeyd etdiyi hallar baş verdikdə bu mütləq nəzərə alınır. “Biz sürücülərə imtina səbəbləri ilə bağlı şikayətləri olanda şirkətə yaxınlaşmağı tövsiyə edirik. Təbii ki, məsələ yerində araşdırılır və sürücü həqiqətən də obyektiv səbəbdən gedişi ləğv edirsə bu məbləğ ona qaytarılır.”

Nəzrin Sailqızı

ŞƏRH YAZ
Ad

E-mail

Şərh