Avtomobili texniki baxışdan keçirməyən bu sürücülər CƏRİMƏ EDİLƏ BİLMƏZ - VİDEO

Öyrənək 7 Yanvar 2024 16:00 Oxunub 9970
Avtomobili texniki baxışdan keçirməyən bu sürücülər CƏRİMƏ EDİLƏ BİLMƏZ  - VİDEO
WhatsApp kanalımıza abunə ola bilərsiniz

Hər bir nəqliyyat vasitəsi istehsal ilinə görə dövri texniki baxışdan keçirilməlidir. Son vaxtlar sürücülər texniki baxış və onun məsuliyyət yaradan halları ilə bağlı redaksiyamıza çoxsaylı suallar ünvanlayaraq soruşurlar ki, avtomobili idarə etmədikdə texniki baxışdan keçirilməlidir? Və yaxud texniki baxışdan keçirilməyən avtomobil idarə edilmirsə cərimə yazıla bilər?

Avtosfer.az sürücülərin bu suallarına aydınlıq gətirərək bildirir ki, İnzibati Xətalar Məcəlləsinin 339.1-1-ci maddəsində qeyd olunub ki, nəqliyyat vasitəsini müəyyən edilmiş müddətdə texniki baxışdan keçirmədən idarə etməyə görə - əlli manat məbləğində cərimə nəzərdə tutulur.

Bu maddədə konkret olaraq göstərilib ki, texniki baxışdan keçirmədən idarə etməyə görə cərimə nəzərdə tutulub. Yəni, avtomobil idarə edilmirsə texniki baxışdan keçirilməməyə görə cərimə tətbiq edilə bilməz. O cümlədən, avtomobil idarə edilmirsə onu texniki baxışdan keçirmək kimi məcburiyyət nəzərdə tutulmayıb.

Bəzən aylarla, hətta illərlə avtomobilini həyətdə saxlayıb xarici ölkəyə səfər edənlər olur. Həmin şəxslər ölkəyə qayıtdıqdan sonra texniki baxışdan keçirmədikləri illərə görə nə məsuliyyət nəzərdə tutulub, nə də ki, xüsusu bir rüsum.

 

Leyla

ŞƏRH YAZ
Ad

E-mail

Şərh