Bu maşınları hər yerdə cərimələyirlər - Qanunda buna icazə varmı? - VİDEO

Son zamanlar sürücülər avtomobillərini idarə etmədikləri halda texniki baxışa görə cərimələndiklərini bildirirlər.

Avtosfer.az xəbər verir ki, daha iki sürücü belə bir məsələ ilə üzləşdiyi üçün Avtosfer.az-ın qaynar xəttinə müraciət ediblər. Nicat Vəliməmmədov adlı sürücü bildirir ki, ona məxsus olan 99-KD-080 qeydiyyat nişanlı avtomobil 2 aydan artıqdır servisdə təmirdədir. Lakin texniki baxışın bitməsinə görə barəsində cərimə tətbiq edilib: “Avtomobilim 2 aydır ki, servisdədir, yəni sürülmür. Yol polisi əməkdaşı servisə daxil olaraq texniki baxışı bitmiş avtomobillərə cərimə yazıb. Onlardan biri də mənim maşınım olub. Polisin ediyi bu hərəkətin qeyri-qanuni olduğunu hesab edirəm. Çünki maşın sürülmür, nasazdır” – deyə sürücü bildirib. 
Digər sürücü Səbuhi Bağırov da eyni məsələ ilə bağlı şikayətini bildirib: “Mənə məxsus olan 99-FS-385 qeydiyyat nişanlı avtomobil 3 ildir ki, Qəbələ dairəsinin yanındakı duracaqda qalıb. Avtomobil sürülmədiyi halda barəmdə  qanunsuz olaraq protokol tərtib edilib. Həmin maddədə qeyd olunub ki, “texniki baxışdan keçirmədən idarə etməyə görə” cərimə yazılır. Mən avtomobili idarə etmirəmsə cərimə hansı əsasla yazılıb?” – deyə sürücü Səbuhi Bağırov bildirib.

Nurlan Sakitoğlu
Nərmin Əkbər