Bu mikroavtobuslara əlavə oturacaqlar quraşdırmaq olar? - VİDEO

Mikroavtobus sürücüləri bəzi hallarda daha çox sərnişin daşımaq üçün əlavə oturacaqlar quraşdırırlar. Paytaxt ərazisində iritutumlu sərnişin avtobusları fəaliyyət göstərdiyindən bu cür hallara rast gəlinmir. Lakin bölgələrdəki marşrut xətlərində əsasən kiçiktutumlu mikroavtobuslar fəaliyyət göstərdiyindən, sürücülərin kustar üsulla oturacaqlar əlavə etməsinə hələ də rast gəlinir.

Bəs bu, qayda pozuntusu hesab olunurmu?

Avtosfer.az xəbər verir ki, hər bir avtomobil istehsalçısı oturacaq sayı müəyyən edir. Bunu müəyyən edən zaman isə danışacaq sərnişin və yüklərin çəkisini də nəzərə alır. Sonradan əlavə oturacaqlar quraşdırılan zaman daşınacaq sərnişinlərin çəkisi nəqliyyat vasitəsinin tormoz yoluna təsir edə bilir. Yəni, çəki artan zaman tormoz yolu uzanır. Belə olan halda isə qəzaların baş verməsinə səbəb ola bilir. Əlavə oturacaq quraşdırmaq normativ tələbləri pozduğu üçün bu əməli törədən sürücülər 150 manat məbləğində cərimə oluna bilər.

Nərmin