Bu sənədlə maşını başqasına vermək olarmı? - Lizinqlə maşın sürənlərin DİQQƏTİNƏ!

Son vaxtlar sürücülər tez-tez belə bir sual verirlər: Yol vərəqəsi və lizinq şirkətinin verdiyi etibarnamə ilə maşını ayıq sürücüyə və ya avtomobildə olan digər şəxsə sürməyə vermək olar?

Dövlət müəssisələrinə məxsus avtomobilləri idarə etmək üçün sürücülərə yol vərəqəsi verilir. Bu yol vərəqəsi nəqliyyat vasitəsini idarə etmək üçün yalnız həmin şəxsə verilir. Bu sənədlə avtomobili digər şəxsə, o cümlədən ayıq sürücüyə vermək qadağandır. Belə hal yol polisi əməkdaşı tərəfindən aşkar edilərsə sürücü barəsində 40 manat cərimə tətbiq edilə bilər.

Lakin lizinq şirkətinin verdiyi sənəd etibarnamədirsə, o zaman sürücü avtomobildə olan digər şəxsə maşını verə bilər. İstər notarial qaydada verilən, istərsə də lizinq şirkətinin verdiyi daxili etibarnamə ilə avtomobili digər şəxsə verməyə qanun heç bir qadağa qoymur. Lakin adına etibarnaməsi olan şəxs özü mütləq avtomobildə olmalıdır.

Könül