DYP bu halda cərimə yaza bilər? – RƏSMİ AÇIQLAMA - VİDEO

Bəzən yeni dəyişən yol nişanı və ya qaydası səbəbindən sürücü dəyişikliyə məhəl qoymayıb qayda pozur. Bu zaman yol polisi ona cərimə tətbiq edir. Sürücülər isə belə halın nə dərəcədə düzgün olduğunu soruşur.

Avtosfer.az xəbər verir ki, bu barədə “AvtoFM” verlişində Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli danışıb.

O, bildirib ki, bu sualı verənlərə belə bir cavab verir: “Misal üçün şəxsin hər zaman getdiyi yolda hərəkətin dəyişdiyini və yeni yol nişanının da quraşdırıldığını görür. Amma dəyişikliyə məhəl qoymayıb, yoldan əvvəlki qaydada keçir. Bu halda sürücüyə sual verirəm ki, bəs yola niyə diqqət yetirmirsiniz? Cavabda da buradan həmişə belə keçdiyini bildirir. Onda belə çıxır ki, bu sürücü Bakıda yaşayırsa və həyatı boyu Mingəçevirdə olmayıbsa, Mingəçevirə gedəndə "mən burada bu nişanı ilk dəfədir görürəm" deyə bilər?. Ya da, bir neçə il bundan qabaq yolda olan qaydanı təxmin edib hərəkət edir? Təbii ki, yox, sürücü yoladakı nişanlara baxıb hərəkət edir. Ümumiyyətlə vətəndaşlar üçün hər gün gördüyü yol hərəkəti qaydası yox, yollardakı mövcud hərəkətin təşkili ilə bağlı nişanlar önəmlidir. Yəni bu, birmənalı şəkildə sürücüyə bəraət verən hal deyil”.

Məhəbbət Tərlanoğlu