Maşına bu şüşələrdən quraşdıran sürücülərin diqqətinə! - 150 manat cəriməsi var - FOTO

Bəzi sürücülər avtomobilin zavod tərəfindən quraşdırılmış alın şüşəsini dəyişərək rənglisi ilə əvəz edirlər. Məsələ ilə bağlı redaksiyamıza sürücülər tərəfindən tez-tez suallar ünvanlanır. Rəngli şüşənin qanuni olub-olmadığı çoxlarına qaranlıq qalıb.

Qanun bu haqda nə deyir?

Qeyd edək ki, qanunda rəngli şüşə ilə bağlı bir qadağa yoxdur. Rəngli şüşəni bir şərtlə quraşdırmaq olar ki, şəffaflıq dərəcəsi normativlər çərçivəsində olsun.

Lakin rəngi dəyişən buqələmun (xameleon) və güzgü effekti yaradan şüşələrin istifadəsi qadağandır. Hətta bəzi plyonkalar var ki, güzgü effekti yaradır. Bu plyonkaların heç bir şüşəyə vurulmasına icazə verilmir. O cümlədən buqələmun və güzgü effekti yaradan şüşələrin də istifadəsi qadağandır. Təqdim etdiyimiz videodakı "Lexus" markalı avtomobilin alın şüşəsinin də güzgü effekti yaratması aşkar şəkildə görünür. Bu şüşələrdən istifadə edən sürücü normativ tələbləri pozmuş hesab olunur.

Yol polisi əməkdaşı bu şüşələrdən istifadə edən sürücüləri aşkar edən zaman İnzibati Xətalar Məcəlləsinin 342.2.2-ci maddəsilə 150 manat məbləğində cərimə edə bilər.

Fərid