Maşına spoyler quraşdırıb tüninq etməyin cəriməsi var? - VİDEO

Gənc sürücülər idarə etdikləri avtomobillərə bəzi əlavələr edərək görünüşünü dəyişirlər. Əsasən avtomobilin ayaqlıq hissəsinə, bamperlərinə və yük yerinin üzərinə spoyler quraşdıraraq sport görünüş yaradırlar.

Quraşdırılan bu avadanlıqlar qanuni hesab olunur, yoxsa yox?

Avtosfer.az xəbər verir ki, avtomobilin sadalanan detallarına əlavə avadanlıqlar quraşdırıb görünüşünü dəyişmək qanun pozuntusu hesab edilmir. Çünki qanunvericilikdə qeyd olunub ki, nəqliyyat vasitəsinə normativ tələblər pozulmaqla əlavə avadanlıq quraşdırmaq qadağandır. Fotoda gördüyünüz avtomobilə edilmiş dəyişiklikdə hər hansısa bir normativ tələbdən söhbət gedə bilməz. Çünki bu detallarla bağlı heç bir normativ tələb müəyyən olunmayıb. Ona görə də edilən belə dəyişikliklər qadağan deyil və bunun heç bir cəriməsi yoxdur.

Sürücülərdə bir sual da yaranır ki, belə dəyişikliklər avtomobilin qeydiyyat şəhadətnaməsinə əlavə edilməlidir?

Qeyd edək ki, bu cür dəyişikliklər reyster məlumatları olmadığı üçün qeydiyyat şəhadətnaməsinə əlavə edilməli deyil.

Nərmin