Maşında butulka ilə benzin daşıyan sürücüyə DYP cərimə yaza bilər? - İZAH

Bəzən sürücülər avtomobildə ehtiyat yanacaq daşıyırlar. Əsasən yanacaq göstəricisi düz işləməyən avtomobillərin sahibləri yolda qalmamaq üçün plastik qabda yanacaq daşımağa üstünlük verirlər.
Bəs avtomobildə ehtiyat yanacağın olması qanun pozuntusu sayılırmı?

Avtosfer.az xəbər verir ki, təhlükəli yüklərin daşınması qaydaları Nazirlər Kabinetinin 27 yanvar 2000-ci il tarixli 10 saylı qərarı ilə tənzimlənir. Həmin qərarda bu üsulla ehtiyat yanacağın daşınması, eyni zamanda daşınan yanacağın plastik butulkada və ya dəmir kanistrda olması ilə bağlı heç bir qadağa yoxdur. Yəni, öz istifadəsi üçün avtomobildə ehtiyat yanacaq aparmaq heç bir inzibati xəta tərkibi yaratmır.

Nərminə Əli