Maşının arxa şüşə silgəcini çıxaran sürücü cərimələnə bilərmi? - VİDEO

Avtomobilin konstruksiyasının vacib elementlərindən biri də şüşə yuyanlar və şüşə silgəcləridir. Şüşə yuyanlar və şüşə silgəcləri əsasən avtomobilin ön hissəsində olur. Lakin hetcbek tipli avtomobillərin arxa hissəsində də şüşə silgəcləri olur. Bəzən sürücülər iddia edir ki, arxadakı silgəcləri çıxartdıqları üçün yol polisi tərəfindən cərimələnirlər.

Bəs arxa şüşə silgəclərinin çıxarılmasına görə sürücü məsuliyyətə cəlb edilə bilərmi?

"Yol hərəkəti haqqında" qanunun 1 saylı əlavəsinin IV hissəsində yalnız qabaq şüşənin şüşə silgəcləri və şüşəyuyanlarının olması məcburi hesab edilir. Arxa şüşə silgəclərinin olması məcburi hesab edilmədiyi üçün, onu çıxaran sürücü məsuliyyətə cəlb edilə bilməz.

Nurlan Sakitoğlu
Nərmin Əkbər