Maşının bu hissələrini qara rəng edən sürücüləri nə gözləyir? - İZAH

Öyrənək 1 Oktyabr 2023 21:14 Oxunub 13834
Maşının bu hissələrini qara rəng edən sürücüləri nə gözləyir? - İZAH
WhatsApp kanalımıza abunə ola bilərsiniz

Bəzi avtomobillərin dam hissəsi panorama deyilən lyuk sistemi ilə istehsal edilir. Bunlar adi lyuklara nisbətdə daha böyükdür. Demək olar ki, damın bütün hissəsi lyukdan ibarət olur. Lyuk qara rəng olduğu üçün sürücülər onun kənarını, yəni qapının üst kantını qara rəngə boyayırlar. Lakin yol polisləri bunun qanunsuz olduğunu iddia edərək avtomobilləri duracağa aparır.

Avtomobilin bu hissəsinin rəngini dəyişmək qadağandır, yoxsa yox?

Avtosfer.az xəbər verir ki, qanunvericiliyə görə avtomobilin rəngi dəyişdikdən sonra Dövlət Yol Polisi İdarəsinə təqdim edilməli və yeni rəng qeydiyyata alınmalıdır. Əsasən ban detallarının ümumi rəngi dəyişən zaman qeydiyyat vacib hesab edilir. Detalın hansısa bir hissəsinə, məsələn, kapotun, buferin və ya qapının kiçik bir hissəsinin rəngini dəyişmək qanunsuz sayıla bilməz. Eyni zamanda bu cür dəyişiklikləri qeydiyyata aldırmağa ehtiyac yoxdur.
Onu da qeyd edək ki, belə xırda dəyişiklikləri vinillə də etmək olar. Sürücü istədiyi vaxt onu sökə və ya yenisini yapışdıra bilər. Burada hər hansısa bir qanun pozuntusundan söhbət gedə bilməz.

 

Emin

ŞƏRH YAZ
Ad

E-mail

Şərh