Məhşur aparıcı insanlara "piyada mədəniyyəti" dərsi keçdi - VİDEO

Yollarda piyadalarla baş verən qəzalara diqqət çəkmək, insanları bir daha maarifləndirmək üçün Rusiyada məhşur aparıcı Nikolay Drozdovun iştirakı ilə maraqlı bir videoçarx hazırlanıb. Avtosfer.az bildirir ki, dünyanın bir çox ölkəsində piyada təhlükəsizliyi bu günlərdə yenə ön plandadır. Həmçinin ölkəmizdə də piyadaların iştirakı ilə faciəvi nəticələnən qəza axınını dayandırmaqdan ötrü dövlət və ictimaiyyət insanları məlumatlandırmaq, yolda düzgün davranışı xatırlatmaq üçün müxtəlif tədbirlər görür. Rusiyada "Heyvanlar aləmində" proqramının aparıcısı Nikolay Drozdovun cəmiyyətdəki müdrikliyi və yaxşı xasiyyəti ön plana alınaraq çəkilən videoçarxla insanlara bir daha yolda necə davranmalı olduqları xatırladılıb.
"Həyatım boyu qaydalara uyğun hərəkət etdim və bu mənə hərəkət azadlığı, bundan sonra da xoşbəxt yaşamaq azadlığı verdi" - deyən baş personaj təcrübəsini bölüşüb. Süjet boyunca yolda müxtəlif vəziyyətlər simulyasiya edir və hər birində aparıcı düzgün davranış modelini göstərir: yolun hərəkət hissəsini piyada zolağıyla keçmək, siqnalları izləmək, yolun kənarında hərəkət axınına doğru getmək, qaranlıqda əks etdirən elementlərdən istifadə etməklə və s.
Bununla da yol polisi tanınmış və sevilən bir simanın timsalında hər kəsə “nümunəvi piyada necə olmalıdır” mesajı ötürüb. 

Aysel