Metroda olarkən bunları etməyin – 15 manatdan 100 manata qədər CƏRİMƏ VAR

Öyrənək 11 Fevral 2024 16:40 Oxunub 8840
Metroda olarkən bunları etməyin – 15 manatdan 100 manata qədər CƏRİMƏ VAR
WhatsApp kanalımıza abunə ola bilərsiniz

Gündəlik olaraq paytaxt sakinlərinin bir çoxu metrodan istifadə edir. Lakin metroda olarkən bəzi qaydalar var ki, onların pozulması zamanı şəxs inzibati məsuliyyətə cəlb olunur.

Avtosfer.az xəbər verir ki, İnzibati Xətalar Məcəlləsinin 306-cı maddəsində bundan bəhs olunur. Belə ki, metorda olarkən stansiyaların vestibüllərini, keçidlərini və platformalarını, habelə eskalatoru və vaqonların salonunu zibilləməyə və ya həmin obyektlərin üzərində hər hansı yazılar yazmağa, məhdudiyyət çəpərləri və girişi qadağan edən nişanlar quraşdırılmış yerlərdən stansiyaya daxil olmağa, zərurət olmadan “sərnişin-maşinist” rabitəsindən istifadə etməyə görə on beş manat məbləğində cərimə nəzərə tutulur.

Eyni zamanda eskalatordan sürahinin üstünə əşya qoymağa görə iyirmi, dəmir yoluna hər hansı əşya atmağa görə otuz, eskalatorun sürahisini çıxarmağa, zərurət olmadan “Stop” açarından istifadə etməyə, stansiyaların vestibüllərində, keçidlərində və platformalarında, vaqonlarda tütün çəkməyə, qatarın hərəkəti zamanı vaqonun qapılarını açmağa, qatarın yola düşməsini ləngitməyə, özbaşına dəmir yoluna düşməyə, qatarın idarəetmə kabinəsinə, xidməti-texniki otaqlara, ventilyasiya şaxtası köşklərinə, tunellərə və metropolitenin işçiləri üçün nəzərdə tutulan çəpərlənmiş ərazilərə daxil olmağa, açıq oddan, pirotexniki qurğulardan (fişəng, partlayıcı və sair) istifadə etməyə görə əlli manat məbləğində cərimə var.

Müvafiq icazə olmadan metropolitenin elektrik şəbəkəsinə elektrik işlədicilərini qoşmağa görə yetmiş, metropolitenin ventilyasiya şaxtası köşklərinə 25 metrdən yaxın məsafədə hər hansı əşya yandırmağa görə yüz manat məbləğində cərimə tətbiq olunur.

Orxan

ŞƏRH YAZ
Ad

E-mail

Şərh