Normativ tələbi yerində aradan qaldıran sürücüyə cərimə yazıla bilərmi? - VİDEO

Avtomobilə normativ tələblərin pozulması ilə avadanlıqlar quraşdıran və ya dəyişdirən sürücülər polis əməkdaşları tərəfindən müəyyən edilərək məsuliyyətə cəlb edilirlər. Avtosfer.az xəbər verir ki, qanunvericiliyə görə, belə dəyişikliklər yerində aradan qaldırıla bilmədikdə avtomobil duracağa yerləşdirilir və sürücü məsuliyyətə cəlb edilir.

Son zamanlar avadanlığı yerində aradan qaldıra bilən sürücülər məsuliyyətə cəlb edilən zaman polis əməkdaşları ilə mübahisə edirlər. Onlar belə halda cərimənin yazılmasının düzgün olmadığını hesab edirlər.

Bəs qanunvericiliyə görə, edilmiş dəyişiklik aradan qaldırıla bilən zaman sürücü cərimə oluna bilərmi?

Qeyd edək ki, yol polisi əməkdaşı sürücünü saxlayan zaman normativ tələbi pozan avadanlıq yerində aradan qaldırıla bilsə belə, sürücü məsuliyyətə cəlb edilməlidir. Çünki qanunvericilikdə qeyd edilməyibki avadanlıq yerində aradan qaldırıla bildikdə cərimə tətbiq edilmir. Belə bir qeyd yazılmadığı üçün sürücünün pozulmuş normativ tələbi yerində aradan qaldırması onu məsuliyyətdən azad etmir.

Nərmin