Şıx çimərliyinin yanında ard-arda iki qəza: Gənc qız faciəli şəkildə öldü - VİDEO

Bakının Şıx çimərliyi yaxınlığında bir-birindən ayrı iki yol-nəqliyyat hadisəsi baş verib.

Avtosfer.az xəbər verir ki, ilk qəza ictimai çimərliyin qarşısında iki minik avtomobilinin toqquşması ilə nəticələnib. İlkin ehtimala görə, sürücülərdən biri digəri maşını arxadan vurub. Zərbənin gücündən avtomobil yolun kənarına çıxıb və ciddi zədələnib. Hadisə zamanı xəsarət alan olmasa da, qəza maddi zərərlər nəticələnib. 

İkinci və daha ağır qəza isə Bibiheybət məscidinin yaxınlığındakı sərt döngədə motosikletin idarəetmədən çıxaraq qəzaya uğraması nəticəsində baş verib. Motosikletdə olan şəxslərin kimliyi hələlik dəqiqləşdirilməyib. Şahidlərin verdiyi məlumata görə, qəza nəticəsində gənc qız hadisə yerindəcə həyatını itirib. Digər sərnişinin isə vəziyyəti ağırdır və hadisə yerindən bir qədər kənarda huşsuz halda tapılıb.

Eltac Zülfüqaroğlu