13 ildir sürücülük vəsiqəsi ala bilməyən şəxs – “İmtahanlar çətindir”

“Sürücülük vəsiqəsi almaq üçün ilk imtahana girdiyim vaxtda 40 yaşım var idi, amma indi 53 yaşındayam, 13 ildir ki, sürücülük vəsiqəsi ala bilmirəm”. Avtosfer.az xəbər verir ki, bu sözləri Türkiyənin Hatay bölgəsində yaşayan Əbdurrahman Çəlik deyib.

O, 2011-ci ildə vəsiqə almaq xəyalı ilə sürücülük kursuna yazıldığını və imtahanlara girməyə başladığını deyib.

Xəyalını kerçəkləşdirmək üçün aramsız imtahanlara girən Çəlik, 13 ildə 18 yazılı imtahana girsə də imtahanlardan keçə bilməyib.

İmtahan suallarının çətinliyindən şikayətlənən Çəlik, gecə-gündüz hazırlaşdığını, lakin bunu bacara bilmədiyini təəssüflə söyləyib.

O, avtomobilinin olmasına baxmayaraq, onu idarə edə bimədiyini və bundan əvvəl vəsiqəsiz avtomobil idarə etdiyini də dilə gətirib: “Amma cəza aldığıma görə bir daha avtomobil idarə etmədim”.

Namiq Musayev