15 günə 13 qayda pozuntusu edən sürücünün cəriməsi başqasına gəldi - DYP-dən AÇIQLAMA - VİDEO

Lənkaran sakini Azər Səfərov 15 gün ərzində 13 qayda pozuntusuna görə cərimə edilib. Maraqlısı bundadır ki, cərimə edilən sürücünün heç bir qayda pozuntusu yoxdur.

Avtosfer.az-ın xəbərinə görə, paytaxtda taksi fəaliyyəti ilə məşğul olan A.Səfərov deyir ki, şəxsi kabinetinə gələn elektron protakollardakı foto onun maşınına aid deyil. Üç fərəqli dövlət qeydiyyat nişanlı avtomobillərin bütün cərimələri ona gəlir.

Sürücü deyir ki, onu narahat edən digər bir məsələ həmin şəxslərin avtomobillə hər hansı bir hadisə törətmələridir. O bundan çox narahatdır və bu barədə Baş Dövlət Yol Polisi İdarəsinə də məlumat verdiyini deyir.

Məsələ ilə bağlı Baş Dövlət Yol Polisi İdarəsinə müraciət etdik.

İdarədən o da əlavə edildi ki, belə olduğu halda tərəflər Baş Dövlət Yol Polisi İdarəsinə müraciət etməlidir. Bundan sonra problemin aradan qaldırılması üçün qanunamüvafiq tədbirlər görülür.

Azər Səfərov isə bildirib ki, sözügedən MMC ilə heç bir əməkdaşlığı olmayıb və ona heç bir yol vərəqi verilməyib.

"AZƏRMAŞ" MMC-dən isə bildirildi ki, belə vəziyyətdə vətəndaş polisdən ona onlayn yol vərəqəsinin verilib verilməsi ilə bağlı sənədi alıb şirkətə yaxınlaşsın və bunu aydınlaşdıraq.