150 manatlıq qayda pozan “Mercedes” heç nə olmamış kimi yoluna davam etdi - VİDEO

Paytaxtın Ziya Bünyadov prospektində kobud qayda pozan sürücü kameraya düşüb.
Avtosfer.az-ın məlumatına görə, hadisə dekabrın 14-də saat 17:50 radələrində qeydə alınıb. Videodan göründüyü kimi, “Mercedes” markalı avtomobilin sürücüsü əks yola çıxıb. Belə ki, o, birtərəfli yolun tam olaraq əksi istiqamətinə hərəkət edərək nəqliyyat vasitələrinə qəza riski yaradıb. Xoşbəxtlikdən təhlükəylə üzləşən sürücü hərəkətini saxlayıb. Qayda pozan “Mercedes” isə yoluna davam edib.
Qeyd edək ki, bu qayda pozuntusuna görə İnzibati Xətalar Məcəlləsinin 327.4-cü maddəsilə 4 bal 150 manat cərimə nəzərdə tutulub.

Nərmin