179 nömrəli avtobusun sürücüsü keçiddən keçən qadını gözləmədən sürüb getdi - VİDEO

Abşeron rayonu, Mehdiabad qəsəbəsində qayda pozan avtobus sürücüsü görüntülənib.

Avtosfer.az-ın məlumatına görə, hadisə avqustun 28-də saat 16:00 radələrində qeydə alınıb. Belə ki, 179 nömrəli müntəzəm marşrut xətti üzrə hərəkət edən   “Daewoo” markalı avtobusun sürücüsü piyada keçidindən keçən qadına əhəmiyyət vermədən yoluna davam edir. Görüntüdən aydın olduğu kimi, piyada yolu keçərkən avtobusun gəldiyini görüb geri çəkilir. Daha sonra o, yola diqqət edir və əmin olduqdan sonra hərəkətə başlayır.

Qeyd edək ki, video sosial şəbəkədə birmənalı qarşılanmayıb. İstifadəçilər 179 nömrəli avtobusu idarə edən əksər sürücülərin qayda pozduqlarını iddia ediblər.

Nərmin