20 manatlıq cəriməyə görə nömrənin üzərini bağlayan sürücü 800 manat cərimələndi - VİDEO

Bakı küçələrində hərəkət edən sürücü öz qayda pozuntularının videogörüntüsünü sosial şəbəkədə paylaşıb. Avtosfer.az xəbər verir ki, sürücü idarə etdiyi 99-VT-014 qeydiyyat nişanlı "Nissan" markalı avtomobillə dayanma durma qaydasını pozan zaman məsuliyyətdən yayınmağa çalışıb. Belə ki, o, arxa qeydiyyat nişanının üzərini bağlayaraq kameralardan yayınıb.

Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov Avtosfer.az-a açıqlamasında bildirib ki, görüntülərə baxış keçirərkən sürücünün qeydiyyat nişanının üzərini bağlayaraq məsuliyyətdən yayınması faktı öz əksini tapıb: "99-VT-014 qeydiyyat nişanlı "Nissan" markalı avtomobilin sürücüsü Məmmədli Vaqif Vidadi oğlu saxlanılaraq idarəyə dəvət olunub və törətdiyi xətaya uyğun olaraq İnzibati Xətalar Məcəlləsinin 342.9-cu maddəsilə məsuliyyətə cəlb olunub".

Fərid