20 Yanvar metrosunun qarşısında "zmeyka" edən sürücü: HƏBS OLUNA BİLƏR - VİDEO

Bakıda avtoxuliqanlıq edən sürücünün görüntüləri avtomobildəki kameraya qeyd olunub. Avtosfer.az xəbər verir ki, hadisə oktyabrın 5-də, paytaxtın 20 Yanvar metrostansiyasının qarşısında baş verib. Belə ki, 99-EZ-507 qeydiyyat nişanlı "Opel" markalı avtomobilin sürücüsü tıxac vaxtı görüntünü qeydə alan sürücünün qarşısına keçmək istəyib. Lakin ona yol verilmədiyindən əsəbiləşən sürücü qəflətən sürəti artıraraq təkərlərin sürtünməsi səslərini çıxarıb və hərəkətini təhlükəsizlik adacığının üzərində davam etdirib.

Qeyd edək ki, İnzibati Xətalar Məcəlləsinin 511.1.3-cü maddəsində qeyd olunub ki, mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına görə - nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur.

Leyla