20 Yanvarda taksi sürücüləri avtobus dayanacağını belə zəbt etdi – Dəhşətli tıxac - VİDEO

Paytaxtın 20 Yanvar metrostansiyasının qarşısında taksi sürücüləri tıxac yaradıb. Oxuculardan biri ərazidə olan vəziyyəti videoya çəkərək redaksiyamızın elektron ünvanına göndərib. Avtosfer.az xəbər verir ki, “1 manatlıq” taksilər dayanma-durma qadağan olan yerlərdə, o cümlədən dayanacaqda dayanaraq avtobusların hərəkətini çətinləşdirib. Yolda hərəkətin məhdudlaşıdırılması səbəbindən sürücülər təhlükəsizlik adacığına çıxıb qaydaları pozmaq məcburiyyətində qalıblar.

Əraziyə gələn yol polisi əməkdaşları səsgücləndirici vasitə ilə dayanma-durma qaydasını pozan sürücülərə xəbərdarlıq edərək yolda yaranmış tıxacı aradan qaldırıb.

Fərid