Bir ildə 8 dəfə cərimələnən, vəsiqəsi əlindən alınan "avtoş" sürücü - VİDEO

Zaqatalada avtoxuliqanlıq edən sürücünün videoları sosial şəbəkədə yayılıb. Avtosfer.az xəbər verir ki, 62-BM-462 qeydiyyat nişanlı “VAZ” markalı avtomobilin sürücüsü şəhər ərazisində kobud və davamlı qayda pozuntuları törədib. Belə ki, toy karvanının qarşısında hərəkət edərkən əl əyləci ilə avtomobili dəfələrlə fırladıb, yoldan kənara çıxaraq toz qoparıb və müxtəlif riskli manevrlər həyata keçirib. Bu hərəkətləri edən sürücü insanların diqqətini cəlb etməyə çalışıb.

Sosial şəbəkədə yayılmış bu videogörüntülərlə bağlı Daxili İşlər Nazirliyi açıqlama verib. DİN-in Mətbuat Xidmətinin Şəki regional qrupundan Avtosfer.az-a bildirilib ki, həmin “VAZ-21011” markalı avtomobilin sürücüsü  Elmar Köngülov ötən il rayon ərazisində yol-hərəkəti qaydalarını bir neçə dəfə pozduğu üçün onun barəsində İnzibati Xətalar Məcəlləsinin müxtəlif maddələri ilə 8 inzibati protokol tərtib olunub, eləcə də sürücülük hüququ 1 il müddətinə məhdudlaşdırılıb.

Həmin görüntülər ötən illərdə çəkilib və kənar şəxslər tərəfindən sosial şəbəkələrdə paylaşılıb. Hazırda Elmar Köngülov nəqliyyat vasitəsi idarə etmir.

Leyla