“8 Noyabr”da piyada keçidini şəxsi parkinqinə çevirən sürücü - 90-GP-383 - VİDEO

Bakının Xətai rayonu, “8 Noyabr” prospektində dayanma-durma qaydasını pozan sürücü görüntülənib.

Bu barədə izləyici Avtosfer.az-a videomaterial göndərib. O bildirib ki, 90-GP-383 dövlət nömrə nişanlı “Ford Transit” markalı yük maşınının sürücüsü hər gün sözügedən ərazidəki eynisəviyyəli piyada keçidində saxlayır. Nəticədə piyadalar yolu keçərkən çətinlik çəkirlər. Görüntüdən aydın olduğu kimi, “Opel” markalı maşın da zolağın sol tərəfində park edilib.

Qeyd edək ki, sürücü nəqliyyat vasitəsini piyada zolağından ən azı 5 metr kənarda saxlaya bilər. Əks halda qayda pozmuş hesab olunur.

Xatırladaq ki, qanuna edilən dəyişikliyə görə, bu xətanı törədən sürücülər İnzibati Xətalar Məcəlləsinin 346.1-ci maddəsinə əsasən 60 manat məbləğində cərimələnə bilərlər.

Nərmin