90-lıq yolda təhlükə: Maşın bu çuxura düşsə salamat çıxmaz - VİDEO

Bakıda asfalt örtüyündə yaranan problem sürücülər üçün ciddi təhlükə yaradır. Avtosfer.az-ın məlumatına görə, problem avtomobil bazarından Bakı-Dairəvi yoluna gedən hissədə müşahidə olunur. Belə ki, 90 km/saat sürət həddi müəyyən edilmiş yolun sol zolağında yerləşən yağış kollektorunda çökmə yaranıb. Bu səbəbdən asfalt qatı ilə kollektor arasında nəzərəçarpacaq dərəcədə boşluq əmələ gəlib. Bu çuxuru isə günün qaranlıq saatlarında görmək mümkünsüz olur. Sol zolaqla hərəkət edən sürücülərin ora düşmə riski çox böyükdür.

Qeyd edək ki, bu yolda 90 km/saat sürətlə hərəkət edən avtomobilin çuxura düşməsi ağır nəticələrə səbəb ola bilər.

Fərid