Bakıda küçəni zibilləyən "AA" seriyalı “Mercedes”in sürücüsü cəzalandırıldı - VİDEO

Bakı Şəhər DYP İdarəsinin bölmə rəisi, polis mayoru Toğrul Nəsirli Avtosfer.az-a bildirib ki, “Mercedes” markalı, 99-AA-160 dövlət qeydiyyat nişanlı nəqliyyat vasitəsinin sürücüsü barəsində İnzibati Xətalar Məcəlləsinin 352.2-ci maddəsinə (nəqliyyat vasitəsindən bayıra hər hansı əşya atılması) əsasən inzibati protokol tərtib edilib. Onun barəsində inzibati tənbeh növü kimi cərimə tətbiq olunub.

***

Paytaxtın Səbail rayonu, Zərifə Əliyeva küçəsində qayda pozan sürücünün hərəkəti avtomobilin kamerasına düşüb.

Avtosfer.az-ın məlumatına görə, hadisə fevralın 25-də səhər saatlarında baş verib.

Videodan görünür ki, 99-AA-160 dövlət nömrə nişanlı “Mercedes” markalı avtomobilin sürücüsü əlindəki zibili asfalta atıb.

Xatırladaq ki, İnzibati Xətalar Məcəlləsinin 352.2-ci maddəsinə əsasən, yollara və yol qurğularına tullantı atılmasına görə fiziki şəxslər 200 manat, vəzifəli şəxslər 1000 manat, hüquqi şəxslər isə 4000 manat cərimə edilə bilər.

Nərmin