“AA” seriyalı “Mercedes” sürücüsü yolu zəbt edib özünə haqq qazandırdı - VİDEO

Nərimanov rayonu Əhməd Rəcəbli küçəsində qayda pozan sürücü kameraya düşüb.
Avtosfer.az-ın məlumatına görə, hadisə yanvarın 16-sı saat 14:50 radələrində qeydə alınıb. Videodan göründüyü kimi, 90-AA-919 dövlət nömrə nişanlı “Mercedes” markalı avtomobilin sürücüsü dayanma-durma qaydalarını pozub. Belə ki, o, avtomobilini yolun ortasında saxlayaraq nəqliyyat vasitələrinin hərəkətinə çətinlik yaradıb. Şikayətçinin iddiasına görə, yolu zəbt edən sürücü daha sonra onun avtomobilinə yaxınlaşaraq törətdiyi qayda pozuntusuna haqq qazandırıb. 
Qeyd edək ki, İnzibati Xətalar Məcəlləsinin 346.1-ci maddəsinə əsasən sürücü 20 manat cərimə ödəmək məcburiyyətindədir.

Nərmin