Ad gününü sükan arxasında qeyd edən 17 yaşlı vəsiqəsiz "sürücü" - VİDEO

Avtomobili sürücülük hüququ olmadan sürən yeniyetmə videolarını sosial şəbəkə hesabında paylaşıb.

Avtosfer.az-ın məlumatına görə, görüntülər Sumqayıt şəhəri Hacı Zeynalabdin Tağıyev qəsəbəsində lentə alınıb. Belə ki, KW-581-WK Gürcüstan nömrəli “Opel” markalı maşını idarə edən yeniyetmə sükan arxasındaykən 17 yaşını qeyd edib. Digər kadrlarda da, o, avtomobili sürərkən özünü videoya çəkib.

Xatırladaq ki, İnzibati Xətalar Məcəlləsinin 335.1 maddəsinə əsasən, nəqliyyat vasitəsinin sahiblik hüququ olan şəxs tərəfindən avtomobili sürmək üçün sürücülük hüququ olmayan şəxsə verilməsinə görə, fiziki şəxslər 60 manat, vəzifəli şəxslər 200 manat,  hüquqi şəxslər isə 2 000 manat məbləğində cərimə edilirlər. 

Nərmin