Adını təlimçi qoyan xanım sürücüdən sükan arxasında özbaşınalıq - VİDEO

Avtomobil təlimçisi tərəfindən yol verilən təhlükəli davranışlar sosial şəbəkədə izləyicilər tərəfindən qınanılıb. Avtosfer.az xəbər verir ki, yayılan görüntülərdə sürücülük təlimi keçən xanımın sükan arxasında yol hərəkəti qaydalarını kobud şəkildə pozduğu açıq-aydın görünür. Belə ki, 77-UD-291 qeydiyyat nişanlı “BYD” markalı avtomobilin sükanı arxasında əyləşən xanım sürücü hərəkət zamanı bir neçə ciddi qayda pozuntusuna yol verib.

Videolardan aydın görünür ki, xanım sürücü nəqliyyat vasitəsini idarə edən zaman diqqətini yoldan yayındırıb. Nəqliyyat vasitəsinin hərəkəti zamanı o, kosmetik vasitələrdən istifadə edərək üzünü makiyaj edib.

Qeyd edək ki, avtomobil təlimi verən şəxs tərəfindən bu cür məsuliyyətsiz davranışların sərgilənməsi sürücülərə mənfi örnək kimi qiymətləndirilir. Sürücülük təlimçilərinin məsuliyyətli və diqqətli olması, hər bir davranışı ilə təlim keçdikləri şəxslərə düzgün nümunə göstərmələri olduqca vacibdir.

Sözügedən videonu təqdim edirik.

Fərid